വരണ്ട വേനലിനു ശേഷം കനത്ത ഒരു മഴ പെയ്താൽ എന്തെല്ലാം ക്ഷുദ്ര ജീവികളാണ് വെള്ളത്തോടൊപ്പം ഒലിച്ചു വരിക? പാമ്പ്, തേള്, പഴുതാര, തേരട്ട, എലി തുടങ്ങി ഒരുപാടൊരുപാട് ജന്തുക്കൾ ചപ്പുചവറുകൾക്കൊപ്പം ഒലിച്ചു അടിഞ്ഞു കൂടും! അപ്പോഴാണ് നമുക്ക് ചുറ്റിലും ഇത്രയും കാലം ഇവയെല്ലാം ജീവിച്ചിരുന്നുവല്ലോ എന്നോർത്ത് വേവലാതിപ്പെടുക! ഒരു മഴ പെയ്യാനുള്ള അവസരത്തിനായി ഇവയെല്ലാം നമ്മെ ഭയപ്പെടുത്താനായി കാത്തിരിക്കുകയായിരുന്നു എന്ന് ആരുമപ്പോൾ ചിന്തിച്ചു പോകും.
​
അത് പോലെ ചില അവസരങ്ങൾ വീണു കിട്ടാൻ കാത്തിരിരിക്കുന്ന ചില ക്ഷുദ്ര ജീവികളുണ്ട് മനുഷ്യരിൽ. ഒരു വഷളൻ ഡോക്റ്റർ പൊതു സമൂഹത്തിന്റ മുമ്പിൽ തീവ്ര മതേതരനും മാനവികനുമാണെന്നു വരുത്താൻ ഒരഭ്യാസം കാണിക്കുന്നു. അതോടെ നവോദ്ധാനം അവകാശപ്പെട്ട് തോട്ടിപ്പണിയുമായി നടക്കുന്ന മർകസ് ദഅവ സൈബർ പോരാളികൾ വിഷയം ഏറ്റെടുക്കുന്നു. ഖുർആനും സുന്നത്തുമാണ് പ്രമാണമെന്ന് പറയുകയും അതിന് വേണ്ടി, നമസ്കാരത്തിൽ കൈ എവിടേക്കെട്ടണമെന്ന പേരിൽ പോലും ഖണ്ഡനമണ്ഡനങ്ങൾ നടത്തുകയും ചെയ്ത ഒരു തലമുറയുടെ പിന്മുറക്കാരാണ് ഇവർ. നബിചര്യയിൽ സ്ഥിരപ്പെട്ട ഒരുപാട് സുന്നത്തുകളെ ദുർവ്യാഖ്യാനിക്കുകയോ നിഷേധിക്കുകയോ ചെയ്യുന്നതിൽ ഒരു മനസ്താപവുമില്ലാത്ത ഇവർ ഇപ്പോഴും ഖുർആനും സുന്നത്തുമാണ് പ്രമാണമെന്ന് അവകാശപ്പെടുന്നു എന്നതാണ് വിരോധാഭാസം.

ഒരു കാലത്തു യുക്തിക്ക് യോജിക്കാത്ത ഹദീസുകൾ നിഷേധിക്കുന്ന രീതി ജമാഅത്തുകാരുടേതായിരുന്നു. അവരൊക്കെ കളം വിട്ടു. ഇന്ന് ആ അധമത്വം ഏറ്റെടുത്തത് ഹുസൈൻ മടവൂർ സാഹിബ് വളർത്തിയ മർകസ് ദഅവക്കാരാണ്.

കെ എൻ എം ഔദ്യോഗിക വിഭാഗം വിഷയത്തോട് പ്രതികരിക്കാതെ അർത്ഥഗർഭമായ മൗനവാൽമീകത്തിൽ അടയിരുന്നഭിരമിക്കുകയാണ്. പ്രത്യക്ഷത്തിൽ ശത്രുതയിലാണെങ്കിലും നല്ലൊരു വിഭാഗം അണികളും ഇവരുമായി ഉള്ള അന്തർധാര ശക്തമായതിനാൽ അവരോട് ചാഞ്ഞു നിൽക്കാൻ തന്നെയാണ് സാധ്യത. ഏതായാലും സുന്നത്തിന്റെ ശത്രുക്കൾ സമുദായത്തിന്റ പുറത്തുള്ളവരല്ല. അത് പ്രമാണങ്ങളെ തെറ്റായി വ്യാഖ്യാനിച്ചു ചാവേറാക്രമണത്തിലൂടെ നിരപരാധികളെ കൊല്ലുന്ന തീവ്രവാദികളായിരുന്നാലും, സുന്നത്തിനെ നിഷേധിച്ചു അൾട്രാ മതേതരന്മാരാകാൻ ശ്രമിക്കുന്ന പുരോഗമന പുങ്കവന്മാരായിരുന്നാലും !

- ബഷീർ പുത്തൂർ

ഖദ്റ് രണ്ട് തരത്തിലാണ്.

ഒന്ന് : അള്ളാഹുവിന്റെ ശറഇയ്യായ ഉദ്ദേശവുമായി ബന്ധപ്പെട്ടുള്ളവ (الإرادة الشرعية)

രണ്ട്: അള്ളാഹുവിന്റെ പ്രാപഞ്ചികമായ കാര്യങ്ങളിലുള്ള ഉദ്ദേശവുമായി ബന്ധപ്പെട്ടുള്ളവ (الإرادة الكونية)

ഇതിൽ ഒന്നാമത് പറഞ്ഞ ശറഇയ്യായ ഉദ്ദേശവുമായി ബന്ധപ്പെട്ട കാര്യങ്ങൾ അള്ളാഹു ഉദ്ദേശിക്കുകയും അതോടൊപ്പം ഇഷ്ടപ്പെടുകയും തൃപ്തിപ്പെടുകയും ചെയ്യുന്ന കാര്യങ്ങളാണ്. അടിമകളോട് അള്ളാഹു അനുഷ്ഠിക്കാൻ കൽപിക്കുകയും പ്രോത്സാഹിപ്പിക്കുകയും പിന്തുടരാൻ പ്രേരണ നൽകുകയും ചെയ്‌ത മുഴുവൻ കാര്യങ്ങളും ഈയിനത്തിലാണ് ഉൾപ്പെടുക. ഇവ സംഭവിക്കുകയോ സംഭവിക്കാതിരിക്കുകയോ ചെയ്യാം. ഇതിലാണ് മനുഷ്യർക്ക് ചെയ്യാനും ചെയ്യാതിരിക്കാനുമുള്ള വിവേചനാധികാരമുള്ളത്. അതായത് അള്ളാഹു മനുഷ്യരോട് അനുഷ്ഠിക്കാൻ കൽപിച്ച മതപരമായ ആജ്ഞാ നിർദേശങ്ങൾ അവർ സ്വീകരിച്ചിരിക്കണം. അല്ലെങ്കിൽ പരലോകത്തു അതിനുള്ള ശിക്ഷ ലഭിക്കും. എന്നാൽ അവ അവഗണിക്കുകയും സ്വീകരിക്കാതെ ധിക്കാരം കാണിക്കുകയും ചെയ്യാനുള്ള അവസരം മനുഷ്യനുണ്ട്.

രണ്ടാമത്തെ ഇനം, അള്ളാഹുവിന്റെ പ്രാപഞ്ചിക കാര്യങ്ങളുമായി ബന്ധപ്പെട്ട ഉദ്ദേശമാണ്. ഇത് പ്രപഞ്ചത്തിൽ നടക്കുന്ന മുഴുവൻ കാര്യങ്ങളും ഇതിന്റെ പരിധിയിൽ വരുന്നു. ഇവ നിർബന്ധമായും സംഭവിക്കുന്നവയാണ്. ജനനം, മരണം രോഗം പ്രകൃതി ദുരന്തങ്ങൾ തുടങ്ങി, അക്രമം, അനീതി, കളവ് കൊല, വ്യഭിചാരം, ശിർക്ക്‌ കുഫ്‌റ്‌ വരെ മുഴുവൻ കാര്യങ്ങളും അള്ളാഹുവിന്റെ പ്രാപഞ്ചികമായ ഉദ്ദേശത്തിന്റെ അടിസ്ഥാനത്തിലാണ് സംഭവിക്കുന്നത്. അവയിൽ അള്ളാഹുവിന്റെ ഇഷ്ടവും തൃപ്തിയുമുള്ളവയാണെങ്കിൽ ഒന്നാമത്തെ ഇനത്തിലേക്ക് പോയിച്ചേരുമെന്നതാണ് ഇത് രണ്ടും തമ്മിലുള്ള അടിസ്ഥാനപരമായ വിത്യാസം.

ഇവ രണ്ടിനവും അള്ളാഹുവിന്റെ അറിവിന്റെയും ഉദ്ദേശത്തിന്റെയും രേഖപ്പെടുത്തലിന്റെയും ഉണ്ടാവണമെന്ന് അവൻ ഉദ്ദേശിക്കുന്ന സമയത്ത് ഉണ്ടാക്കുക എന്നീ നാല് കാര്യങ്ങളിൽ ഉൾച്ചേർന്നവയാണ്.

- ബശീർ പുത്തൂർ

പ്രമുഖ താബിഈ വര്യനായ ഇമാം മുഹമ്മദ്‌ ഇബ്ൻ സീരീൻ റഹ് മതുള്ളാഹി അലൈഹി പറഞ്ഞു "നിശ്ചയം, ഈ ഇൽമു ദീനാകുന്നു. അതിനാൽ ആരിൽ നിന്നാണ് നിങ്ങൾ നിങ്ങളുടെ ദീൻ സ്വീകരിക്കുന്നത് എന്ന് നോക്കിക്കൊള്ളുക" - മുഖദ്ദിമ സ്വഹീഹു മുസ്‌ലിം.

ഒരാൾ ഏറ്റവുമധികം ഭയപ്പെടേണ്ടത്, അയാളുടെ മതവിശ്വാസത്തിന് പോറലേൽക്കുന്നതിനെക്കുറിച്ചാണ്.

അതിനു ഹേതുവാകുമെന്നു തോന്നുന്ന കാര്യങ്ങളെക്കുറിച്ച് അവൻ സദാ ബോധവാനായിരിക്കണം. സലഫുകൾ ഏറ്റവുമധികം ജാഗ്രത കാണിച്ചിരുന്ന ഇക്കാര്യം ആനുകാലിക മുസ്ലിംകൾ പാടേ അവഗണിച്ച മട്ടാണ്.

ഖുർആൻ, ഇസ്‌ലാം, സുന്നത്ത്, ദീൻ തുടങ്ങിയ വിഷയങ്ങളിൽ ആരെന്തു പ്രസംഗിച്ചാലും, അവ അൽപം ആകർശണീയമാണെങ്കിൽ അമ്പരപ്പോടെ കാതോർത്തു നിൽക്കുകയും മറ്റുള്ളവരെ അത് കേൾപിക്കുകയും ചെയ്യുന്നതിൽ പലരും മത്സരിക്കുകയാണ്. പറയുന്നത് ദീനിനെക്കുറിച്ചാണ് എന്നത് മാത്രമല്ല പരിഗണിക്കേണ്ടത്. മറിച്ചു, ആ പറയുന്ന ആൾ സുന്നത്തിന്റെ ആളാണോ ? അതല്ല ബിദ്അത്തിന്റെ ആളാണോ ? ഇക്കാര്യം നിർബന്ധമായും പരിഗണിക്കപ്പെടണം. അതിനു വാചാലതയോ, ശബ്ദഗാംഭീര്യമോ, ജനങ്ങളിലുള്ള സ്വാധീനമോ ഒന്നും തടസ്സമാകരുത്. അഹ് ലുസ്സുന്നത്തിന്റെ ഉലമാക്കളെക്കുറിച്ച് ഇയാളുടെ നിലപാട് എന്താണ്? ആരുടെ കൂടെയാണ് ഇയാൾ സഹവസിക്കുന്നത്? ഇയാളുടെ സഹചാരികൾ ആരെല്ലാമാണ്? ഇയാളെക്കുറിച്ച് പ്രാമാണികരായ ഉലമാക്കൾ എന്ത് പറയുന്നു? ഒരാളിൽ നിന്ന് ദീൻ കേൾക്കാൻ/സ്വീകരിക്കാൻ പാടുണ്ടോ എന്നത് ഇത്തരം കാര്യങ്ങളെ ആശ്രയിച്ചിരിക്കും. ഇനി ഒരാളെക്കുറിച്ച് കൃത്യമായി അറിയില്ലെങ്കിൽ, അയാൾ സുന്നത്തിന്റെ ആളാണെന്നു അർത്ഥശങ്കക്കിടയില്ലാത്ത വിധം അറിയുന്നത് വരെ അയാളിൽ നിന്ന് ദീൻ കേൾക്കാനോ സ്വീകരിക്കാനോ പാടില്ല. ഇമാം ഇബ്നു സീരീൻ റഹ്മതുള്ളാഹി അലൈഹിയുടെ മുകളിലെ ഉദ്ധരണി ഇമാം മുസ്‌ലിം തന്റെ വിഖ്യാത ഗ്രന്ഥമായ "സ്വഹീഹു മുസ്‌ലിമിന്റെ" മുഖവുരയിൽ എടുത്തു ചേർത്തത് ഈ മഹത്തായ ലക്ഷ്യത്തിനു വേണ്ടിയാണ്.

മുസ്‌ലിം സ്ത്രീ അവളുടെ ഹിജാബിൽ സുരക്ഷിതയാണ്. ഹിജാബും നിഖാബും സ്ത്രീക്ക് അരക്ഷയാണ് പ്രദാനം ചെയ്യുന്നത് എന്ന് പ്രചരിപ്പിക്കുന്നവർ സുന്നത്തിന്റെ ശത്രുക്കളും സ്വതന്ത്ര ചിന്തയുടെയും യുക്തിവാദത്തിന്റെയും പ്രണേതാക്കളുമാണ്.

സ്ത്രീക്ക് അവളുടെ വിദ്യാഭാസ - തൊഴിലിടങ്ങളിലോ മറ്റു ജീവൽ പ്രധാനങ്ങളായ അവരുടെ മേഖലകളിലോ തങ്ങളുടെ ദൗത്യവും ഉത്തരവാദിത്വവും നിർവഹിക്കുന്നതിൽ ഹിജാബും നിഖാബും ഒരിക്കലും തടസ്സമായിട്ടില്ല. പരപുരുഷ ദർശനങ്ങളിൽ നിന്നും തെമ്മാടികളുടെ കണ്ണിന്റെ കട്ടു നോട്ടത്തിൽ നിന്നും നിഖാബ് "അകലെ" എന്ന അകോചരമായ സുരക്ഷയുടെ ഒരു വലയം തീർക്കുന്നു. അള്ളാഹുവിന്റെ വിധികൾ അംഗീകരിക്കുകയും വിലക്കുകൾ മറികടക്കാതിരിക്കുകയും നബി സ്വല്ലള്ളാഹു അലൈഹി വ സല്ലമയെ പിന്തുടരുകയും ചെയ്യുന്ന ഒരു സ്ത്രീ ഒരിക്കലും സ്വതന്ത്ര ചിന്തകരും ചൂഷകരുമായ ഭൗതിക വാദികളുടെ തിട്ടൂരങ്ങൾക്കു മുമ്പിൽ മുട്ടു മടക്കുകയില്ല.

അവർ മുഖം മറക്കേണ്ടയിടങ്ങളിൽ മുഖം മറക്കുകയും തുറന്നിടേണ്ടയിടങ്ങളിൽ അവർ തുറന്നിടുകയും ചെയ്യും. ഒരുരുള ചോറുതിന്നാൻ പോലും അവർ വല്ലാത്ത ഗതികേട് അനുഭവിക്കുന്നുവെന്ന് പറഞ്ഞു സഹതപിക്കുന്നവർ, സുന്നത്തിന്റെ സഹായികളോ നന്മയുടെ സഹയാത്രികരോ അല്ല; മറിച്ച്, അവർ തിന്മയുടെ വൈതാളിലാരും ഇരുട്ടിന്റെ വക്താക്കളും പിശാചിന്റെ കൂട്ടാളികളുമാണ്.

- ബഷീർ പുത്തൂർ

സൂറത്തു നൂറിലെ 31-ആമത്തെ ആയതിലെ ‫ولا يبدين زينتهن إلا ما ظهر منها‬ എന്ന പരാമർശമാണ് "മുഖവും മുൻ കൈകളും" സ്ത്രീകൾക്ക് പ്രദർശിപ്പിക്കാം എന്നതിന് തെളിവായി ചൂണ്ടിക്കാട്ടാറുള്ളത്. ഇവിടെ ഒരൽപം വിശദീകരണം ആവശ്യമുണ്ട്. സാധാരണ ഗതിയിൽ പ്രസ്തുത പരാമർശത്തിന് "മുഖവും മുൻ കൈകളും" എന്ന് ഇബ്ൻ അബ്ബാസ് രദിയല്ലാഹു അന്ഹു പറഞ്ഞതായി റിപ്പോർട്ട് ചെയ്യപ്പെട്ട ഉദ്ധരണി തെറ്റായാണ് മനസ്സിലാക്കപ്പെട്ടത്‌. അത് ഞാൻ വഴിയെ വിശദീകരിക്കാം.

"അത് അവളുടെ മുഖവും മുന്കൈകളുമാണ്" തങ്ങളുടെ ഇംഗിതത്തിനു അനുയോജ്യമായ അഭിപ്രായങ്ങൾ അതിന്റെ പ്രാമാണികത പരിശോധിക്കാതെ, പ്രമാണമെന്നു തെറ്റിദ്ധരിപ്പിച്ചു കൊണ്ട് എടുത്തുദ്ധരിക്കുന്നത് ശെരിയല്ല.
യഥാർത്ഥത്തിൽ ഇബ്ൻ കസീർ പറയുന്നത് അതല്ല. മറിച്ചു അദ്ധേഹത്തിന്റെ വരികൾ കൃത്യവും വ്യക്തവുമാണ്, അതിങ്ങിനെയാണ്.

നുറുങ്ങുകൾ - ശൈഖ് മുഹമ്മദ് ബ്നു ഉമർ ബാസ്മൂൽ 

ആയുസ്സ് കൂടും തോറും കുറയുന്നു.
ദുനിയാവിലെ ജീവിതമാണ് കർമത്തിന്റെ ഗോദ.
എല്ലാ മനുഷ്യരും നേരം വെളുക്കുമ്പോൾ പുറപ്പെടുന്നു; തന്റെ ആത്മാവിനെ വിൽക്കാനായി. 
ഒന്നുകിൽ (അല്ലാഹുവിന്ന് വിറ്റ്) അതിനെ മോചിപ്പിച്ചവനാകുന്നു. 
അല്ലങ്കിൽ (പിശാചിന്ന് വിറ്റ്) അതിനെ നശിപ്പിച്ചവനാകുന്നു.  
നിന്റെ ജീവിതമെന്നാൽ നിന്റെ ആയുസ്സാണ്.
നിന്റ ആയുസ്സെന്നാൽ നീ ജീവിക്കുന്ന ദിവസങ്ങളും ആഴ്ചകളും മാസങ്ങളും വർഷങ്ങളും എന്നുവേണ്ട, മണിക്കൂറുകളും മിനുറ്റുകളും സെക്കന്റുകളുമാണ്.
മനുഷ്യന്റെ ഹൃദയമിടിപ്പുകൾ അവനോട് പറഞ്ഞുകൊണ്ടിരിക്കുകയാണ്; ജീവിതമെന്നാൽ മിനിറ്റുകളും സെക്കന്റുകളുമാണെന്ന്.
അത് സൽകർമങ്ങളിൽ ജീവിച്ചു തീർത്താൽ 
നീ അതിൽ ലാഭം നേടിയവനായി.
അത് കളിതമാശകളിൽ ജീവിച്ചു തീർത്താൽ 
നീ അതിൽ നഷ്ടവാനായി.
അത് തിന്മകളിൽ ജീവിച്ചു തീർത്താൽ 
നീ അതിൽ നഷ്ടവാനും പാപിയുമായി; പശ്ചാതപിക്കാത്തിടത്തോളം!

- അബു തൈമിയ്യ ഹനീഫ് 

മുന്നൂറ്റി അൻപതിലധികം മനുഷ്യർ ! നിരപരാധികളും നിരായുധരുമായ ആബാലവൃന്ദം ജനങ്ങൾ ! തങ്ങളെന്തിന്റെ പേരിലാണ് കൊല്ലപ്പെട്ടതെന്ന് അവരിലാരും ഒരു പക്ഷെ അറിഞ്ഞിട്ടു പോലുമുണ്ടാകില്ല.

മനുഷ്യത്വത്തോട് ഇത്രയും ക്രൂരത ചെയ്യാൻ ഒരു മനുഷ്യ ഹൃദയമുള്ളവന് കഴിയുമോ?

മതത്തിന്റെ പേരിൽ സ്വർഗം പറഞ്ഞു പ്രലോഭിപ്പിച്ചു ബ്രെയിൻ വാഷ് ചെയ്ത് യുവാക്കളെ വഴിതെറ്റിക്കുകയും അങ്ങിനെ ശെരിയായ മതത്തിന്റെ അധ്യാപനങ്ങളിൽ നിന്ന് അകന്നു പോവുകയും ചെയ്ത ഒരു പറ്റം മനുഷ്യ ജീവികൾ !

ഇസ്‌ലാമിലെ ജിഹാദെന്ന അതി വിശിഷ്ടമായ ഒരാരാധന കർമ്മത്തെ തെറ്റായി മനസ്സിലാക്കുകയും തെറ്റായി വ്യാഖ്യാനിക്കുകയും തെറ്റായി പ്രയോഗവൽക്കരിക്കുകയും ചെയ്ത നരാധമന്മാർ.

മുഹമ്മദ് നബി സ്വല്ലള്ളാഹു അലൈഹി വ സല്ലം യുദ്ധാർജ്ജിത സമ്പത്തു വിഹിതം വെച്ച് നൽകുന്ന വേളയിൽ, " മുഹമ്മദേ, നിങ്ങൾ നീതി പാലിക്കുക, നിങ്ങൾ നീതി പാലിച്ചില്ല" എന്ന മുറവിളിയിലൂടെ നീതിക്കു വേണ്ടിയെന്ന പേരിൽ ഉയർത്തപ്പെട്ട ആദ്യ ശബ്ദം. അവിടെ നിന്ന് തുടങ്ങി, ഖലീഫയായ ഉസ്മാൻ റദിയള്ളാഹു അൻഹുവിന്റെ വധം വരെ. പിന്നീട് അലി റദിയള്ളാഹു അൻഹുവിനെതിരിൽ ഖുർആനിൽ നിന്ന് ഒരു ആയത് എടുത്തു ഉദ്ധരിച്ചാണ് അവർ യുദ്ധം നടത്തിയത്. അവരുടെ പിന്മുറക്കാർ ലോകത്ത്, വിത്യസ്ത രാജ്യങ്ങളിൽ, ഭാഷകളിൽ, വർണ്ണങ്ങളിൽ നരമേധങ്ങൾ നടത്തി രക്തപ്പുഴകൾ സൃഷ്ട്ടിച്ചു കൊണ്ടിരിക്കുന്നു ! എല്ലാം ഇസ്‌ലാമിന് വേണ്ടി ഇസ്‌ലാമിന്റെ പേരിൽ !!

ഇറാഖ്, യെമൻ, സിറിയ, ഫ്രാൻസ്, ബെൽജിയം, ഇന്ന് ശ്രീലങ്ക !

ശ്രീലങ്കയിൽ ദേശീയ തൗഹീദ് ഗ്രൂപ്പ് എന്ന പേരിൽ ഇസ്‌ലാമിന് വേണ്ടി !

സ്വന്തം വ്യക്തി ജീവിതത്തിലും കുടുംബത്തിലും സഹ ജീവികളിലും മതാധ്യാപനങ്ങൾ പ്രയോഗവൽക്കരിച്ചു കാണിച്ചു കൊടുക്കുന്നതിന് പകരം, മുസ്‌ലിം നാടുകളിലും ഭരണാധികാരികളിലും അനീതികളും അതിക്രമങ്ങളും അധാർമ്മികതയും അസാന്മാർഗിക പ്രവണതകളും സ്വജന പക്ഷപാതവും ആരോപിക്കുകയും നിരന്തരമായ ആവർത്തനങ്ങളിലൂടെ സാത്വിക മനസ്സുകളെ വശീകരിച്ചെടുക്കുകയും ഇസ്‌ലാമികമായ ആത്മരോഷം വളർത്തിയെടുക്കുകയും ചെയ്യലാണ് ഇതിന്റെ ആദ്യപടി. വൈകാരികമായി പ്രലോഭിതരായിക്കഴിഞ്ഞാൽ പിന്നെ കാര്യം എളുപ്പമായി. ഖുർആനിൽ നിന്നും ഹദീസിൽ നിന്നും ചരിത്രത്തിൽ നിന്നും വിത്യസ്ത സാഹചര്യങ്ങളിലെ പ്രമാണ വാക്യങ്ങൾ അടർത്തി മാറ്റി തെറ്റായ വ്യാഖ്യാനങ്ങളും വിശതീകരണങ്ങളും നൽകി പ്രകോപിതരാക്കുകയും അവസാനം വെടിമരുന്നുമായി അനുഗ്രഹിച്ചു യാത്രയയക്കുകയും ചെയ്യുന്നു. ! എന്തൊരു വിഷലിപ്തമായ മനസ്സും എത്രമാത്രം തെറ്റായി വ്യാഖ്യാനിക്കപ്പെട്ട പരിശുദ്ധ വചനങ്ങളും !

വെറുതെയല്ല, നബി സ്വല്ലള്ളാഹു അലൈഹി വ സല്ലം ഇവനൊരു പിൻമുറക്കാർ വരാനുണ്ടെന്ന് പറഞ്ഞത്. വെറുതെയല്ല അദ്ദേഹത്തിന്റെ പരിശുദ്ധമായ നാവിലൂടെ " നരകത്തിലെ നായകൾ " എന്ന് ഇവരെ വിശേഷിപ്പിച്ചത്. വെറുതെയല്ല, ഇവരെ കണ്ടു മുട്ടുകയാണെങ്കിൽ " ആദ് സമൂഹത്തെ നശിപ്പിച്ചത് പോലെ നശിപ്പിക്കുമെന്ന് " അദ്ദേഹം പറഞ്ഞത്.

ഇതേ ചിന്താഗതിയുള്ള മുപ്പതിലധികം ആളുകൾക്ക് കഴിഞ്ഞ ദിവസം സൗദി അറേബ്യ വധ ശിക്ഷ നടപ്പാക്കുകയുണ്ടായി.

ഇവർ നാടിന്റെ ശാപമാണ്. മാനവരാശിക്ക് തന്നെ ഭീഷണിയാണ്. ഇസ്‌ലാമും ജിഹാദുമായും ഒന്നും ഇവർക്ക് യാതൊരു ബന്ധവുമില്ല. ഇതൊരു വിശ്വാസമാണ്. പിഴച്ച, ദുഷിച്ച ഒരു വിശ്വാസം. ഈ വിശ്വാസം പേറുന്നവർ നമുക്ക് ചുറ്റിലുമുണ്ടാകാം, നമ്മുടെ ഭാഷ സംസാരിക്കുന്നവരിലുണ്ടാകാം.

ജനാധിപത്യവും മതേതരത്വവും കുഫ്‌റും ശിർക്കുമാണെന്ന് പറയുകയും അത് പ്രചരിപ്പിക്കുകയും ചെയ്യുകയും, ഹിജ്‌റ (പലായനം) യെക്കുറിച്ചു സംസാരിക്കുകയും അള്ളാഹുവിന്റെ ഭരണവും ശരീഅത്തും നടപ്പാക്കണമെന്ന് വാദിക്കുകയും വോട്ട് ചെയ്യാതിരിക്കുകയും വോട്ട് ചെയ്യുന്നത് ഹറാമാണെന്ന് പറയുകയും ചെയ്യുന്ന ആളുകളെ കരുതിയിരിക്കുക. ഈ ചിന്തകളും അടയാളങ്ങളും സഹവർത്തിത്വത്തിന്റേതും സഹിഷ്ണുതയുടേതുമല്ല. ഈ ചിന്തകളാണ് അവസാനം മനുഷ്യബോമ്പുകളായി പൊട്ടിത്തെറിച്ചു നിരപരാധികളായ മനുഷ്യരെ കൊന്നൊടുക്കുന്നത്. ഈ ചിന്തകളെയാണ് ദായിഷും സമാന ചിന്താഗതിക്കാരും കണ്ടുപിടിച്ചു അവരുടെ ആശയം നടപ്പാക്കാൻ പാകത്തിലുള്ള ഉപകരണമായി കയ്യിൽ ആയുധം വെച്ച് കൊടുക്കുന്നത്. ' ഇസ്‌ലാം തീവ്രവാദമല്ല' എന്ന ഒരു പ്രസ്താവന നടത്തി കണ്ണും പുട്ടിയിരുന്നാൽ, നാളെ ശ്രീലങ്ക ഇന്നാട്ടിലും സംഭവിക്കും. അതിനു മുമ്പേ, മുകളിൽ പറഞ്ഞ വിധത്തിലുള്ള ചിന്തകൾ വഹിക്കുകയും , സോഷ്യൽ മീഡിയകളിൽ പോലും പ്രചരിപ്പിക്കുകയും ചെയ്യുന്ന ഒറ്റപ്പെട്ട ശബ്ദങ്ങളെ കണ്ടെത്തുകയും അവരെ തിരുത്തുകയും ചെയ്യാൻ സാധിച്ചാൽ അത് മാനവരാശിയോടും സർവ്വോപരി ഇസ്‌ലാമിനോടും നാം ചെയ്യുന്ന വലിയ സേവനമായിരിക്കും; ഓർക്കുക ഉമിക്കടിയിൽ എരിയുന്ന തീയുണ്ടെന്ന് !

ബഷീർ പുത്തൂർ

ശൈഖുൽ ഇസ്ലാം ഇബ്നു തീമിയ റഹിമഹുള്ള പറഞ്ഞു : ആരെങ്കിലും ഖുർആനിനെയോ ഹദീസിനെയോ, സ്വഹാബത്തിൽ നിന്നും താബിഉകളിൽ നിന്നും അറിയപ്പെട്ട വ്യാഖ്യാനത്തിനും വിശതീകരണത്തിനും എതിരായ നിലക്ക് വ്യാഖ്യാനിച്ചാൽ, അവൻ അള്ളാഹുവിന്റെ പേരിൽ കറ്റു കെട്ടിപ്പറയുന്നവനും അള്ളാഹുവിന്റെ ആയത്തുകളെ നിഷേധിക്കുന്നവനും പദങ്ങളെ യഥാർത്ഥ സ്ഥാനത്തു നിന്ന്
വ്യതിചലിപ്പിക്കുന്നവനുമാണ്. ഇത്, ഇസ്ലാം ദീനിൽ നിരർത്ഥകത സ്ഥായിയായ നിരീശ്വരത്വത്തിന്റെയും നിഷേധത്തിന്റെയും കവാടം തുറക്കലാണ്.

​(മജ്മുള ഫതാവാ - 13/243)

— ബഷീർ പുത്തൂർ

അബുബക്കർ റദിയള്ളാഹു അൻഹുവിന്റെ മകൾ അസ്മാഉ റദിയള്ളാഹു അൻഹയിൽ നിന്ന്: ഞങ്ങൾ ഇഹ്റാമിലായിരിക്കെ പരപുരുഷന്മാരിൽ നിന്ന് ഞങ്ങളുടെ മുഖങ്ങൾ ഞങ്ങൾ മറക്കാറുണ്ടായിരുന്നു) ഹാകിം - അദ്ദേഹം പറഞ്ഞു: ബുഖാരിയുടെയും മുസ്‌ലിമിന്റെയും നിബന്ധനയൊത്ത സ്വഹീഹായ ഹദീസാണ്. അൽബാനി പറഞ്ഞു: മുസ്‌ലിമിന്റെ മാത്രം നിബന്ധനയൊത്തതാണ്.

ആയിഷ റദിയള്ളാഹു അൻഹയിൽ നിന്ന് : അവർ പറഞ്ഞു : ഞങ്ങൾ നബി സ്വല്ലള്ളാഹു അലൈഹി വസല്ലമയോടൊപ്പം ഇഹ്റാമിലായിരിക്കെ യാത്രാസംഘങ്ങൾ ഞങ്ങൾക്കരികിലൂടെ കടന്നു പോകാറുണ്ടായിരുന്നു. അവർ ഞങ്ങളുടെ നേരെയെത്തിയാൽ ഞങ്ങളിലൊരുവൾ അവളുടെ ജിൽബാബ് (മേൽവസ്ത്രം) തലയിൽ നിന്ന് മുഖത്തേക്ക് താഴ്ത്തിയിടും. അവർ പോയിക്കഴിഞ്ഞാൽ ഞങ്ങളത് മാറ്റും. അഹ്‌മദ്‌, അബൂദാവൂദ്. അൽബാനി പറഞ്ഞു. വിവിധ പരമ്പരയിൽ വന്ന ഹദീസുകൾ കൊണ്ട് ഇതിന്റെ സനദ് ഹസൻ ആണ്‌.

ആര് പറയുന്നതാണ് വിശ്വസിക്കേണ്ടത് ?
ആരെയാണ് പിൻപറ്റേണ്ടത് ?
നബിയോടൊപ്പം സഹവസിച്ച സ്വഹാബികൾ പങ്ക് വെച്ച അനുഭവങ്ങളാണോ അതല്ല കെ എൻ എമ്മിന്റെ നിലപാടുകളോ ?

- ബഷീർ പുത്തൂർ

അള്ളാഹുവിലുള്ള വിശ്വാസത്തിന്റെ വളരെ പ്രധാനപ്പെട്ട ഒരു ഭാഗമാണ് അവന്റെ വിധിയിലുള്ള വിശ്വാസം. അത് നാല് അടിസ്ഥാന കാര്യങ്ങളിലുള്ള വിശ്വാസത്തിലാണ് നിലനിൽക്കുന്നത്.

- അതിൽ ഒന്നാമത്തേത്; അറിവ് (العلم) ആണ്. അതായത് അള്ളാഹുവിന് അവനെക്കുറിച്ചും അവന്റെ മുഴുവൻ സൃഷ്ട്ടികളെക്കുറിച്ചും പ്രവർത്തനങ്ങളെക്കുറിച്ചും സംബൂർണ്ണവും വിശദവും അതിസൂക്ഷ്മവുമായ അറിവ് അനാദിയിൽ ആകാശഭൂമികളെ സൃഷ്ടിക്കുന്നതിന് മുമ്പ് തന്നെ ഉണ്ട് എന്നുള്ള വിശ്വാസമാണ്.

- രണ്ടാമത്തേത് : രേഖപ്പെടുത്തൽ (الكتابة) അതായത് അവന്റെ ഇൽമിലുള്ള മുഴുവൻ കാര്യങ്ങളും ലൗഹുൽ മഹ് ഫൂദിൽ അള്ളാഹു നേരത്തെ തന്നെ എഴുതി രേഖപ്പെടുത്തി വെച്ചിട്ടുണ്ട് എന്ന വിശ്വാസമാണ്.

- മൂന്നാമത്തേത് : ഉദ്ദേശം (المشيئة) അതായത് ലോകത്ത് സംഭവിക്കുന്ന മുഴുവൻ കാര്യങ്ങളും അള്ളാഹുവിന്റെ ഉദ്ദേശത്തിന്റെ അടിസ്ഥാനത്തിലാണ് എന്ന് വിശ്വസിക്കലാണ്‌.

- നാലാമത്തേത് : സൃഷ്ട്ടി (الخلق والإيجاد) അതായത്, അള്ളാഹു അറിയുകയും രേഖപ്പെടുത്തുകയും ചെയ്ത കാര്യങ്ങൾ അവന്റെ ഉദ്ദേശത്തിന് വിധേയമായി അവൻ ഉദ്ദേശിക്കുന്ന സമയത്തും സ്ഥലത്തും അവൻ ഉദ്ദേശിച്ച വിധത്തിലും അവൻ ഉണ്ടാക്കുന്നു (സൃഷ്ട്ടിക്കുന്നു) എന്ന് വിശ്വസിക്കലുമാണ്. അള്ളാഹു ആദ്യമായി സൃഷ്ട്ടിച്ചത് പേനയാണ്.

വിധിയുമായി ബന്ധപ്പെട്ട ഈ നാല് അടിസ്ഥാന വിശ്വാസത്തിൽ സംശയരഹിതമായി വിശ്വസിക്കാത്ത ഒരാളുടെ ഈമാനും പൂർണ്ണമാവുകയില്ല.

- ബശീർ പുത്തൂർ

​തഖ്'വകൊണ്ട് ബോധനം നൽകപ്പെട്ട ആത്മാവ് സത്യം തിരിച്ചറിയുന്ന നിമിഷം അതിനെ മുറുകെപ്പിടിക്കും; അല്ലാഹുവിന്റെ തീരുമാനത്തിൽ സംതൃപ്തിയോടെ.
എന്നാൽ അഭീഷ്ടത്തെ (ബിദ്അത്തിനെ) പിന്തുടരുന്നവനാകട്ടെ, സ്വന്തം നഫ്സിനെയും അഭീഷ്ടത്തെയും സഹായിക്കാനുദ്ദേശിക്കുന്നവനാണവൻ. അതിനാൽ സത്യം കൺമുന്നിൽ കാണും, പക്ഷേ അതിലവൻ സംതൃപ്തനാവില്ല. കാരണം അവൻ തന്റെ അഭീഷ്ടം കൊണ്ട് രോഗം പിടിപെട്ടവനാണ്.
അല്ലാഹുവിനോട് നാം രക്ഷ തേടുന്നു.

ശൈഖ് മുഹമ്മദ് അൽ അഞ്ചരീ 
​
- അബു തൈമിയ്യ ഹനീഫ്