|
മുഹമ്മദ് ബിൻ മക്കി അൽ ജുർജാനി പറഞ്ഞു "അബ്ദുൽ വാഹിദ് ബിൻ ത്വവാവിസി പറയുന്നത് ഞാൻ കേട്ടു. അദ്ദേഹം പറയുന്നു "ഞാനൊരിക്കൽ നബിയെ ﷺ സ്വപ്നം കണ്ടു. അദ്ദേഹത്തിന്റെ കൂടെ ഒരു പറ്റം സ്വഹാബികളുമുണ്ട്. അദ്ദേഹം ഒരു സ്ഥലത്ത് നിൽക്കുകയാണ്. അപ്പോൾ ഞാനദ്ദേഹത്തോടു സലാം പറഞ്ഞു. അദ്ദേഹം സലാം മടക്കി. അപ്പോൾ ഞാൻ ചോദിച്ചു " അല്ലാഹുവിന്റെ റസൂലേ, താങ്കളെന്താണ് ഇവിടെ നിൽക്കുന്നത് ? അദ്ദേഹം പറഞ്ഞു " ഞാൻ മുഹമ്മദ് ബിൻ ഇസ്മാഈൽ അൽ ബുഖാരിയെ കാത്തു നിൽക്കുകയാണ്. ദിവസങ്ങൾക്ക് ശേഷം ബുഖാരിയുടെ മരണവാർത്ത എനിക്കെത്തി. അപ്പോൾ നബി ﷺയെ ഞാൻ സ്വപ്നം കണ്ട അതേ സമയത്ത് തന്നെ അദ്ദേഹം മരണപ്പെട്ടതായി ഞാൻ അറിഞ്ഞു. (സിയർ അഅലാം അന്നുബലാഉ) - ബഷീർ പുത്തൂർ وقال محمد بن محمد بن مكي الجرجاني : سمعت عبد الواحد بن آدم الطواويسي يقول : رأيتُ النبي صلى الله عليه وسلم في النوم ، ومعه جماعة و من أصحابه ، وهو واقف في موضع ، فسلمت عليه ، فرد علي السلام ، فقلتُ : ما وُقوفك يا رسول الله ؟ قال : أنتظر محمد بن إسماعيل البخاري . فلما كان بعد أيام . بلغني موته ، فنظرت فإذا قد مات في الساعة التي رأيت النبي صلى الله عليه وسلم فيها
0 Comments
- ബഷീർ പുത്തൂർ بسم الله الرحمن الرحيم، الحمد لله رب العالمين، والصلاة والسلام على من لا نبي بعده، محمد وآله وصحبه ومن والاه، أما بعد നമ്മുടെ അടുത്തുള്ള ഏതാണ്ട് എല്ലാ മസ്‌ജിദുകളിലും അഞ്ചു നേരത്തെ നമസ്കാരത്തിന് ബാങ്ക് വിളിക്കുകയും ജമാഅത്തുകളും ജുമുഅയും നിർവ്വഹിക്കപ്പെടുകയും ചെയ്യുന്ന അവസ്ഥതയാണല്ലോ ഇപ്പോഴുള്ളത്. എങ്കിലും ചില നിയന്ത്രണങ്ങൾ നിലനിൽക്കുന്നുണ്ട് താനും. ശാരീരിക അകലം, മാസ്ക്, സാനിറ്റൈസിംഗ്, പങ്കെടുക്കാവുന്നരുടെ എണ്ണം തുടങ്ങിയ കാര്യങ്ങളിലുള്ള നിയന്ത്രണങ്ങൾ പൂർണ്ണമായും ഒഴിവാക്കപ്പെട്ടിട്ടില്ല. എല്ലാവർക്കും ജുമുഅ ജമാഅത്തുകളിൽ പങ്കെടുക്കാവുന്ന വിധം സ്ഥിതിഗതികൾ സ്വാഭാവിക നിലയിലേക്ക് തിരിച്ചെത്തിയിട്ടില്ല. അതിനാൽ ഇപ്പോഴും വിട്ടുവീഴ്ച (رُخًصَة) ഉള്ളതായി തന്നെ വേണം മനസ്സിലാക്കാൻ. ഈ സാഹചര്യത്തിൽ സാധിക്കുന്നവർ ജുമുഅ ജമാഅത്തുകളിൽ പങ്കെടുക്കുകയാണ് വേണ്ടത്. കൂടുതൽ ജാഗ്രത പുലർത്തേണ്ട വിഭാഗത്തിൽ പെട്ടവരോ മറ്റു നിലയിൽ മാറിനിൽക്കാൻ ഉപദേശിക്കപ്പെട്ടവരോ തനിക്കോ മറ്റുള്ളവർക്കോ അപകടം ഭയപ്പെടുന്നവരോ ജുമുഅ ജമാഅത്തുകളിൽ പങ്കെടുക്കരുത്.
ജീവിതം സ്വാഭാവിക നിലയിലേക്ക് തിരിച്ചു വരികയാണ്. അതിനനുസൃതമായി ജുമുഅ ജമാഅത്തുകളും പുനഃസ്ഥാപിക്കപ്പെടേണ്ടതുണ്ടല്ലോ. ശാരീരിക അകലം പാലിച്ചു കൊണ്ട് സ്വഫ് നിൽക്കുക എന്നത് സാധാരണ നിലയിൽ ജമാഅത്തിനു ഭംഗം വരുത്തുന്ന കാര്യമാണ്. പക്ഷെ, ഈ സവിശേഷ സാഹചര്യത്തിൽ രാജ്യത്ത് നടപ്പിലാക്കപ്പെടുന്ന നിയമം പാലിക്കേണ്ടതുള്ളതിനാലും നമസ്കരിക്കാൻ വരുന്നവരുടെ ആരോഗ്യ സംരക്ഷണത്തിന് അത്യന്താപേക്ഷിതമായ ഒരു നടപടി എന്ന നിലയിലും അത് പാലിക്കാൻ നാം നിർബ്ബന്ധിതരാണ്. ആയതിനാൽ ആ കുറവ് അല്ലാഹു പൊറുത്തു തരുമെന്ന് പ്രത്യാശിക്കുക നാം. — അബൂ ത്വാരിഖ് സുബൈർ മുഹമ്മദ് حفظه الله تعالى
|
IslamBooks.inBooks and Articles on Islam, correct and pure. Archives
August 2024
Categories
All
|
RSS Feed