0 Comments
ശൈഖ് അഹ്മദ് യഹ്യാ അന്നജ്മി പറയുന്നു: തെളിവ് ഒരു വ്യക്തിയുടെ കൂടെയാണെന്ന് ബോധ്യപ്പെട്ടതിനാൽ അദ്ദേഹത്തോട് യോജിക്കുന്ന ഒരാളെയും ആ വ്യക്തിയോട് യോജിക്കുന്നവനായി കണക്കാക്കാവതല്ല. മറിച്ച്, തെളിവിനോട് യോജിക്കുന്നവനായിട്ടാണ് ഗണികേണ്ടത്. നാം പിന്തുടരുന്ന സലഫിയ്യത്ത്, ആധുനികരിൽ പെട്ട ഒരാളെ അദ്ദേഹം പറയുന്ന എല്ലാ വാക്കിലും ഫത്വയിലും തഖ്ലീദ് ചെയ്യലല്ല. അനുകരണത്തിന്റെ ഈ പ്രകാരത്തെ നാം പരിഗണിക്കുന്നത് സങ്കുചിതമായ കക്ഷിത്വത്തിന്റെ ഒരിനമായിട്ടാണ്. ഗർഹണീയമായ മദ്ഹബീ പക്ഷപാതത്തിന്റെ ഒരു രൂപമായിട്ടുമാണ്. എത്ര സമുന്നതനായ പണ്ഡിതനായാലും, അറിവും മികവും എത്ര വിശാലമായാലും, അദ്ദേഹത്തിന്റെ വാക്കുകളിൽ അനിവാര്യമായും നാം സ്വീകരിക്കേണ്ടതും നിരസിക്കേണ്ടതുമുണ്ടായിരിക്കും. (അൽമൗരിദ് അല്അദ്ബുസ്സുലാല്, പുറം 1/289) - അബൂ ത്വാരിഖ് സുബൈർ മുഹമ്മദ് حفظه الله تعالى قال الشيخ أحمد يحيى النجمي - رحمه الله
من وافق شخصا لكونه رأى أن الدليل معه فإنه لا يُعدُّ موافقا للشخص، ولكنه يُعَدُّ موافقا للدليل، وليست السلفية عندنا تقليدَ رجل من الرجال المعاصرين في كل ما يقوله ويفتي به، فمثل هذا النوع من التقليد نعتبره لونا من ألوان الحزبية الضيقة، وشكلا من أشكال التعصب المذهبي المذموم، والعالم مهما علَا شأنه، وعَمَّ فضله وعلمه لا بد أن تأخذ من قوله ونَرُدَّ. [المورد العذب الزلال ٢٨٩/١] ഇബ്നു ഉഥൈമീൻ رحمه الله പറയുന്നു:
അപഥസഞ്ചാരത്തിനുളള കാരണങ്ങളിൽ മുഖ്യം 1. ഒഴിവു സമയം പാഴ്സമയം എന്നത് ബുദ്ധിയെയും ചിന്തയെയും മറ്റു ശാരീരിക ക്ഷമതകളെയും ബാധിക്കുന്ന ഒരു മാരക രോഗമാണ്. സക്രിയമായും പ്രവര്ത്തന നിരതമായും അല്ലാതെ മനുഷ്യന് നിലകൊള്ളാനാവില്ല. ഒന്നിലും മുഴുകാതെ വെറുതെയിരുന്നാല് ചിന്ത മുരടിക്കും, ബുദ്ധി മരവിക്കും, മനുഷ്യന്റെ ക്രിയാത്മകത ക്ഷയിച്ചു പോകും. ദുഷിച്ച ചിന്തകളും ഒഴിയാബാധകളും മനസ്സിനെ കീഴടക്കും. ചിലപ്പോൾ ക്രൂരവും നികൃഷ്ടവുമായ ചിന്തകൾ പോലും ഉടലെടുക്കും. തന്നെ വിഴുങ്ങിക്കൊണ്ടിരിക്കുന്ന ശൂന്യതയുടെ സമ്മര്ദ്ദത്തിന്ന് തെല്ലൊരാശ്വാസം കണ്ടെത്തുന്നത് അങ്ങനെയാവാം. പ്രശ്നപരിഹാരം യുവാക്കള് അവരവര്ക്ക് അനുയോജ്യമായ പ്രവര്ത്തന പദ്ധതികള് കണ്ടെത്തണം; ഈ ശൂന്യതയെ മാറ്റി നിര്ത്താനുതകുന്ന എഴുത്ത്, വായന, വ്യാപാരം പോലുളള എന്തുമാകട്ടെ. അതിലൂടെ തനിക്കും അപരര്ക്കും വേണ്ടി പ്രവര്ത്തിക്കുന്ന സമൂഹത്തിലെ ഓജസ്സുള്ള ഒരംഗമായി വര്ത്തിക്കുക. — ഇബ്നു ഉഥൈമീന് رحمه الله ,യുവതയുടെ പ്രശ്നങ്ങള്, പുറം 18 മൊഴിമാറ്റം: അബൂ ത്വാരിഖ് സുബൈർ മുഹമ്മദ് حفظه الله
|
IslamBooks.inBooks and Articles on Islam, correct and pure. Archives
January 2024
Categories
All
|